Gazetari Enton Abilekaj ka komentuar dekretin për zgjedhjet e parakohshme në Tiranë, duke e cilësuar si tregues të paranojës politike të kryeministrit Edi Rama.
Në një intervistë për “SYRI TV”, Abilekaj tha se Rama, si pushtetar i plotfuqishëm, nuk ia njeh të drejtën asnjë institucioni për të vënë në pikëpyetje autoritetin e tij.
“Imagjinoni një paranojak. Rama ka të njëjtën paranojë si çdo pushtetar që ka përqendruar të gjithë pushtetin.
Mendon: ‘Po sikur, në një moment të caktuar, Gjykata Kushtetuese të më hedhë poshtë vendimin?’ Edhe pse duket e pamundur, ai nuk mund ta pranojë këtë. Sepse nëse dikush guxon të vërë në pikëpyetje autoritetin e tij, atëherë nesër del dikush tjetër… dhe loja nis”.
Ai shtoi se argumentet juridike të përdorura për të justifikuar vendimet e Ramës janë të pabazuara dhe pa lidhje me të drejtën.
Sipas tij, kryeministri ka ndërtuar një model pushteti ku nuk toleron kundërshtime institucionale, ndërsa e akuzoi për sjellje kontradiktore në vendimmarrje:
“Problemi është se Rama e ka kthyer në zakon – apo ndoshta në hobi – të lëpijë atë që ka pështyrë. Dhe këtë e bën shpesh”, theksoi gazetari.
