Edi Rama, pjesë të kabinetit të tij qeveritar bëri pjesë edhe ministren virtuale përmes Inteligjencës Artificiale, të quajtur “Diella”, e cila do të merrej me prokurime publike.
Një gjë të tillë nuk e lejon Kushtetuta, por gjithsesi, gjithçka ishte për “show”, për të tërhequr vëmendjen jo vetëm brenda vendit, por edhe në median botërore.
E teksa Edi Rama mburret me teknologjinë, ajo i ka dështuar që në paraqitje dhe jo më për të përcaktuar fituesit e tenderave. Kjo për shkak se sot, shfaqja e “Diellës” me një veshje ku solidarizohet me “Tetorin rozë”, muajin e ndërgjegjësimit ndaj kancerit të gjirit, habiti jo pak ku u shfaq me 6 gishta.
Siç shihet edhe në foton e publikuar nga vetë Edi Rama, në dorën e djathtë të Diellës, që e ka mbështetur mbi të majtën, numërohen qartësisht 6 gishta.
