Kandidatët që synojnë drejtimin e Prokurorisë së Posaçme (SPAK) pas 18 dhjetorit kur mandati i Altin Dumanit përfundon do të kenë kohë deri më 8 tetor për shpalljen e kandidatura.
Këshilli i Lartë i Prokurorisë e hapi garën që më 17 shtator, por deri më tani, sipas raportimeve mediatike, asnjë prokuror nuk e ka depozituar kandidaturën e tij në KLP.
Gazetari Elton Qyno, i ftuar në emisionin “Top Story”, tha se ka një numër të madh prokurorësh që duan të marrin drejtimin e SPAK, për shkak se janë 8 prokurorë që u përfundon mandati pas 3 vitesh dhe nuk kanë çfarë të humnasin.
Sa i përket politikës, Qyno tha se vetëm mazhoranca e ka fuqinë për të lobuar në këtë garë.
“Kjo periudhë që ne flasim, deri më datë 8, është periudha e fushatës së heshtur. Kryetari ka double-vote… Me votimin e dytë, Dumani doli kryetar i SPAK-ut. Aty kanë shumë dëshirë të kandidojnë. 8 nga prokurorët e SPAK-ut kanë 3 vitet e tyre të fundit aty, sepse i mbaron mandati dhe nuk kanë çfarë humbin. Pas këtij 3-vjeçar ata largohen përfundimisht nga SPAK-u.
Në këtë radhë votimi, gara është shumë e madhe. Është ajo ‘intriga’ se kush do kandidojë. Këtu është dhe lobimi në KLP, lobimi politik që nuk duhet ta mohojmë… Nuk është vetëm lobimi ndërkombëtar. Është edhe lobimi ekonomik. Ata janë lobuesit më të mëdhenj, në KLP.
Përveç mazhorancës, nuk ka kush lobon tjetër. Opozita nuk ka fuqi të lobojë për kryetarin e SPAK-ut”, thotë Qyno.
