Deputeti i Partisë Demokratike, Belind Këlliçi, është shprehur se Rama po e shmang qëllimisht pjesëmarrjen në Samitin e OKB-së në SHBA për shkak të frikës nga përballja me administratën amerikane.
Në një intervistë në Syri Tv, Këlliçi e lidh mungesën e tij me zhvillimet më të fundit në SHBA, pasi Prokurorja e Përgjithshme amerikane ka nisur hetime ndaj fondacionit të George Soros, një organizatë me të cilën Rama ka pasur lidhje të ngushta.
“A shkon dot Rama në SHBA? A takon dot ndonjë zyrtar amerikan?”, tha Këlliçi.
“Prokurorja e Përgjithshme e SHBA-ve, sapo ka iniciuar veprimet hetimore në raport me funksionimin e organizatës kriminale të fondacionit të George Soros. Jo më kot janë shumë rastësira që na bëjnë të besojmë që nuk janë rastësira. Boll të marr të fundit. A ka qytetarë shqiptarë sot që mendon se Edi Rama do donte të ishte në samitin e OKB për të bërë një foto me presidentin Donald Trump.
Samiti i OKB-së është i vetmi aktivitet i përvitshëm botëror në të cilin Presidenti i SHBA-ve del çdo vit që është prezent me foto familjare, me bashkëshorten e tij dhe me përfaqësuesit e shteteve së bashku me bashkëshortet ose bashkëshortët.
Në situatën ku jemi sot, në emergjencën që ka Edi Rama për ti paraqitur administratës amerikane një anë të tij që nuk ekziston, të rreme. Edi Rama sot është i dëshpëruar për një shkelje syri nga administrata e Trump, jo më për një foto familjare me Trump. Cila mund të jetë ajo fuqi madhore apo arsyeja madhore që e detyron Edi Ramën që mos të shkojë në SHBA për të qenë pjesëmarrës në samit dhe për të qenë pjesë e fotos familjare me Trump, përveçse refuzimit për të shkuar në SHBA.
Të dalë Edi Rama, në dashtë sot, a shkon dot? A takon dot ndonjë zyrtar të SHBA-ve?”
