Ish-presidenti francez Nicolas Sarkozy ka reaguar pas vendimit të gjykatës, që e ka dënuar atë me pesë vite burg këtë të enjte duke e shpallur fajtor për komplot kriminal në lidhje me akuzat për financim të paligjshëm të fushatës nga Libia.
“Kjo vendim është jashtëzakonisht i rëndë për sundimin e ligjit. Urrejtja nuk ka kufij… Nëse do të më duhet patjetër të fle në burg, do të fle në burg, por me kokën lart… Jam i pafajshëm. Kjo padrejtësi është një skandal… Do të apeloj; do të luftoj deri në frymën time të fundit.”, ka deklaruar Sarcozy pas vendimit, citon Reuters.
Ndërkohë, avokati i shoqatës Sherpa, Vincent Brengarth, thekson rëndësinë historike të vendimit dhe pavarësinë e gjyqësorit: “Kjo është hera e parë që një ish-president republike përfundon prapa grilave. Kjo jep një pamje të trishtueshme, dhe askush nuk duhet të gëzohet për mundësinë që një ish-president të përfundojë në burg.
Por në të njëjtën kohë, kjo konfirmon që ne kemi një drejtësi të pavarur që di të tregojë guxim dhe autoritet, sepse nuk ishte një vendim i lehtë për t’u marrë, veçanërisht pasi u përpoqën të diskreditojnë çështjen duke pretenduar se ishte bosh.”
Avokati mbrojtës i Sarkozy-së e ka kundërshtuar vendimin duke e cilësuar si të pabazuar. “Ai u dënua mbi baza shumë të çuditshme, që në fakt janë një trillim… Arsyeja pse u dënua është sepse supozohet se akuzohet se i ka lejuar kolegët e tij, Brice Hortefeux dhe Claude Gueant, të konsiderojnë financimin nga Libia.
“Ajo që është shumë e vështirë për ne është se nuk ka prova, vetëm supozime.”, përfundon avokati.
Këto reagime vijnë pasi ish-presidenti francez, Nicolas Sarkozy, është shpallur fajtor për konspiracion kriminal në një çështje që lidhet me marrjen e miliona eurove fonde të paligjshme nga ish-udhëheqësi libanez, Muammar Gaddafi.
Gjykata kriminale e Parisit e ka shfajësuar Sarkozy-n për të gjitha akuzat e tjera, përfshirë korrupsionin pasiv dhe financimin e paligjshëm të fushatës zgjedhore, ndërsa ka urdhëruar që 70-vjeçari të futet në qeli në datën që do t’i komunikohet nga ana e prokurorëve. Këta të fundit kanë afat 1 muaj.
