Kreu i Grupit Parlamentar të Partisë Demokratike, Gazment Bardhi, komentoi në News 24 zhvillimet e fundit në Kuvend ku u kalua pa debat plani i qeverisë për mandatin e ri, duke e akuzuar mazhorancën për shkelje të Kushtetutës dhe rregullores së Parlamentit.
Bardhi sqaroi momentin e tensionuar të seancës së fundit, ku nga deputetet e PD u hodhën drejt kabinetit Kushtetuta dhe Rrrgullorja e Kuvendit.
Ai tha se situata ishte keqkuptuar nga publiku, pasi sipas tij, opozita reagoi ndaj një sjelljeje të paprecedentë të Kryeministrit Rama dhe Kryetarit të Kuvendit.
“Ai moment është keqkuptuar, ai moment është kur pa debat është hapur votimit. Nuk është ajo sjellje arsyeja e ndërprerjes së debatit dhe kalimit në votim në kundërshtim me Kushtetutën pa debat, ai reagim ka qenë për situatën e krijuar nga Kryeministri dhe kryetari i Kuvendit që nuk lejuan debat dhe kaluan më njëherë në votim”, tha ai.
Bardhi theksoi se kryeministri gjatë fjalës së tij shkeli Kushtetutën dhe Rregulloren, pasi mori kompetencat e Kryetarit dhe ia kaloj fjalën ministres virtuale Diella, e cila shkaktoi dhe reagimin e opozitës.
Sipas tij, fjalimi i Diellës ishte shkruar nga Edi Rama dhe tallte opozitën.
“Mesa duket i prishëm fasadën dhe propagandën për fjalimin e tij në një format femëror, se tekstin e Diellës e kishte shkruar Edi Rama dhe tallte opozitës. U bezdis dhe kaloj menjëherë në votim”, tha ai.
“Ai moment është keqkuptuar, ai moment është kur pa debat është hapur votimit. Nuk është ajo sjellje arsyeja e ndërprerjes së debatit dhe kalimit në votim në kundërshtim me Kushtetutën pa debat, ai reagim ka qenë për situatën e krijuar nga Kryeministri dhe kryetari i Kuvendit që nuk lejuan debat dhe kaluan më njëherë në votim.
Ajo që ndodhi në seancë ishte kjo, kryeministri foli 15 minuta dhe askush nga kolegët nuk e ndërpreu dhe nuk e pengoi të bënte prezantimin tij, sepse e ka detyrim kushtetues dhe Kushtetuta dhe Rregullorja thotë që prezantimin e bën ai, dhe asnjëri prej nesh nuk ndërhyri.
Në një moment, kryeministri për t’u tallur me Kuvendin siç është tallur gjithë kohës me Presidentin, mori kompetencat e Kryetari të Kuvendit dhe ia kaloj fjalën ministres virtuale Diella.
Kjo është një shkelje e Kushtetutës dhe Rregullores, këtu ne reaguam. Opozita është në Kuvend që edhe që mazhorancës t’i vendos kufirin të respektojë Kushtetutën. Mesa duket i prishëm fasadën dhe propagandën për fjalimin e tij në një format femëror, se tekstin e Diellës e kishte shkruar Edi Rama dhe tallte opozitës. U bezdis dhe kaloj menjëherë në votim.”
