Kryetari i PD, Sali Berisha, i ftuar sonte në “Opinion” ka akuzuar mazhorancën për shkelje të rëndë të Kushtetutës gjatë seancës plenare të ditës.
Berisha e cilësoi zhvillimet në Kuvend si një nga momentet më të errëta në historinë e parlamentarizmit shqiptar.
“Sot në parlament ka ndodhur akti më i rëndë që nga dita e themelimit të parlamentit pluralist në Shqipëri,” tha ai, duke shtuar se miratimi i programit dhe kabinetit qeveritar nisi me një “dhunim flagrant të Kushtetutës.”
Sipas tij, procesi kushtetues më i rëndësishëm parlamentar është deformuar në mënyrë të paprecedentë, duke cenuar parimet themelore të demokracisë dhe shtetit ligjor.
Ai paralajmëroi se PD do të ndërmarrë hapa të mëtejshëm për të kundërshtuar këtë që ai e cilësoi si “përdhunim institucional.”
“Sot në parlament ka ndodhur akti më i rëndë, që nga dita e themelimit të parlamentit pluralist në Shqipëri. Akti më i rëndë. Sot në dhunimin më flagrant të Kushtetutës, procesi më i rëndësishëm parlamentar që është miratimi i programit dhe kaninetit qeveritar. Procesi më i rëndëishëm kushtetues parlamentar, sot nisi me një përdhunim, dhunim flagrant, të kushtetutës.”, tha Berisha.
