Avokati Genc Gjokutaj foli mbi emërimin e pazakontë të kryeministrit Edi Rama të një ministreje virtuale, që do mbulojë prokurimet publike dhe tenderimet.
Gjokutaj u shpreh se kemi të bëjmë me një tentativë për të fshehur korrupsionin, pasi “Diella” nuk mund të thirret në Prokurori apo të arrestohet.
Sakaq, Gjokutaj shtoi se Japonia apo SHBA nuk e kanë ndërmarrë një hap të tillë, pasi nuk kanë korrupsionin që ka vendi ynë.
“Është një tentativë politike për të fshehur korrupsionin. Çfarë fushe do mbulojë Diella? Prokurimet. Aty është e gjithë loja. Prokurimi dhe tenderimi ka 12 vjet që është dispeceria e shpërndarjes së interesave. Jepi tender të marrë vota. IA si çdo sistem, manipulohet në shumë mënyra, manipulohet algoritmi, manipulohen të dhënat. Të dhënat selektive, që ti i jep atë vendim do nxjerrin.
Diella nuk mund të merret në Prokurori, nuk mund të arrestohet. Nuk kemi ligj për poste të tilla ministrore. Duhet garanci tekniko juridike. Mund të bëhet në nivel politik dhe administrativ. Kush do e kontrollojë? Nëse kjo qeveri është përfolur për korrupsion, kjo do e monitorojë. Kur dosja është budallaqe, arsyetimi mbi budallikun. Ne sot debatojmë diskutojmë për Diellën. A ka të drejtë? Ndërkohë ai mund ta ketë parë në ëndërr. Ky e bën për të fshehur korrupsionin. Do ketë gallatë kjo puna e Diellës. Juridikisht nuk qëndron.
Do thotë e kemi me rekomandim të Tony Blair, jemi rast unik në botë. Rasti negativ troket shumë më fortë se rasti pozitiv. Për atentate flitet, helmime, vaksina. Është e studiuar kjo, nuk është kot. Mendon ti se Japonia nuk e bën dot këtë. Amerikanët? Nuk e kanë një korrupsion të tillë. E dyta nuk mund të vënë një Diell. Ky me task forca, me prokurori me SPAK, nuk ja del dot. Do ja dalë me Diellë. E bëri Diella do thotë. Ky është profili i qeverisë së tij. Qeveria më e korruptuar del partizane e luftës ndaj korrupsionit. Qeveria e re, luajti shah.
