Ish-prokurori Ervin Karanxha thotë se fondacioni Soros ka marrë 9 milionë dollarë për të bërë reformën në drejtësi në Shqipëri.
Nga studio e “MCN Live”, ai deklaroi se 6 anëtarë të vetingut, kanë marrë paga nga fondacioni Soros dhe kanë lidhje direkte me të.
“Në dijeninë time njëri ka marrë dhe rrogën, ish-kryetari i KPA, gjyqtari Sokol Çomo është pjesë e Soros, i cili ka përcjell atë linjën e Soros”- tha ish-prokurori.
Deklarata e plotë:
Dyshime ka për fondacionin, sepse këto të ardhura mund të jenë përfituar në interes të tij, dhe në Shqipëri do verifikohen bashkëpunëtorët dhe roli i Soros në reformën në drejtësi.
Por reforma në drejtësi ka shkatërruar sistemin gjyqësor. Sot një gjyq mbaron për 20 vjet, kemi shumë shuarje të paraburgimit për shkak të mungesës së gjyqtarëve. Duhen parë se ku kanë shkuar paratë.
Anëtarë të fondacionit Soros në Shqipëri e kanë pasur 31 mijë dollarë rrogën në muaj në Shqipëri.
Me këto para nuk është bërë ndonjë ndihmë fizike, si godinat e reja. Ne jemi me godinat e vjetra dhe nuk është bërë asnjë investim.
Ligji “Rico” do verifikojë se ku kanë shkuar paratë e taksapaguesve amerikanë.
Sot që ne diskutojmë sistemi i drejtësisë është shkatërruar, nuk ka akses qytetari në drejtësi. Nëse një gjyq shkonte 3 vjet, tani shkon pa limit jo për faj të gjykatës.
Është hequr një numër shumë i madh profesionistësh vetëm prej fondacionit Soros.
Vetëm në veting nga një verifikim i bërë më rezulton se gjashtë anëtarë kanë marrë paga nga fondacioni Soros dhe kanë lidhje direkte me fondacionin Soros.
Dhe një pjesë e gjyqtarëve dhe prokurorëve që janë hequr janë ata që duan familjen, janë familjarë, duan martesat burrë grua.
Mendoj se mund të ketë lidhje me frymën e këtij fondacioni, që ka 6 anëtarët e vetë.
Në dijeninë time njëri ka marrë dhe rrogën, ish-kryetari i KPA, gjyqtari Sokol Çomo është pjesë e Soros, i cili ka përcjell atë linjën e Soros. Këto do jenë pjesë e hetimit.
