Gazment Bardhi ka reaguar pasi presidenti Bajram Begaj mandatoi Edi Ramën për kryeministër, teksa në dekretin e firmosur nga kreu i shtetit, binte në sy detaji ku në pikën 2 shkruhej: “Kryeministri ushtron edhe përgjegjësinë për ngritjen dhe funksionimin e Ministrit Virtual të Inteligjencës Artificiale ‘Diella’”.
Përmes një postimi në rrjhetet sociale, Bardhi e ka konsideruar këtë akt si qesharak dhe tërësisht antikushtetues, pasi sipas tij, bie ndesh me nenet 96, 97, 102 dhe 103 të Kushtetutës.
Bardhi thotë se ministër mund të emërohet: një shtetas shqiptar; që ka mbushur 18 vjeç; dhe është i aftë mendërisht, teksa shtron pyetjen se cilën nga këto kritere plotëson “Diella”.
Ai shton më tej se karagjozllëqet e kryeministrit nuk mund të shndërrohen në akte juridike të shtetit shqiptar. Sipas tij, ushtar Bajrami po tenton ta shndërrojë Republikën në një palaçollëk, siç është ai vetë.”
Postimi i plotë:
“Dekreti i Presidentit të Republikës për të ngarkuar kryeministrin me ngritjen dhe funksionimin e ministrit virtual “Diella”, përveçse qesharak, është tërësisht antikushtetues. Ai bie ndesh me nenet 96, 97, 102 dhe 103 të Kushtetutës.
Ministër mund të emërohet: (i) shtetasi shqiptar; (ii) që ka mbushur 18 vjeç; dhe (iii) është i aftë mendërisht (shih nenet 45 dhe 103 të Kushtetutës). Cilat nga këto cilësi ka ministrja “Diella”?!
Karagjozllëqet e kryeministrit nuk mund të shndërrohen në akte juridike të shtetit shqiptar. Ushtar Bajrami po tenton ta shndërrojë Republikën në një palaçollëk, siç është ai vetë.”
