Tre persona janë arrestuar në Vlorë për vepra të ndryshme penale.
Njëri prej tyre, D. S., 30 vjeç, ishte shpallur në kërkim për “vjedhje e kryer në bashkëpunim” dhe ishte dënuar nga gjykata me 1 vit e 6 muaj burgim.
Dy të tjerët, F. B., 23 vjeç, dhe L. B., 30 vjeç, u ndaluan për drejtim automjeti në mënyrë të parregullt.
“Strukturat e Sektorit për Hetimin e Krimeve të Rënda, në bashkëpunim me Seksionin Operacional të Hetimit dhe Komisariatin e Policisë Vlorë, në vijim të punës për kapjen e shtetasve të shpallur në kërkim, bazuar në informacionet e siguruara, bënë të mundur kapjen dhe ndalimin e shtetasit:
S.D 30 vjeç, banues në Vlorë.
Ky shtetas ishte shpallur në kërkim, pasi Gjykata e Shkallës së Parë Vlorë e ka dënuar me 1 vit e 6 muaj burgim, për veprën penale “Vjedhje e kryer në bashkëpunim”.
Po në kuadër të këtyre kontrolleve, u ndaluan edhe dy shtetas në kërkim, të dënuar nga Gjykata e Shkallës Parë e Juridiksionit të Pergjithshëm Vlorë, për veprën penale “Drejtim i automjetit në mënyrë të parregullt”, konkretisht:
F.B., 23 vjeç, banues në Vlorë, i dënuar me 4 muaj burgim.
L.B., 30 vjeç, banues në Vlorë, i dënuar me 2 muaj burgim.”, njofton policia.
