Një tjetër varr masiv është zbuluar në lindje të qytetit të Doumës, në periferi të Damaskut, ku ekipet e mbrojtjes civile nxorën mbetjet e 20 personave. Sipas raporteve, shumica e viktimave janë gra dhe fëmijë, ndërsa hetuesit nuk kanë mundur të identifikojnë trupat.
Raportohet se viktimat nuk kishin rroba, çka sugjeron se mund të jenë vrarë lakuriq. Që nga përmbysja e regjimit të Bashar al-Assad në dhjetor 2024, në Siri janë zbuluar varre të shumta masive, ndër të cilat më i madhi ishte pranë Damaskut.
Sipas një raporti të Reuters, gjatë sundimit të Assadit, 60,000 deri në 80,000 trupa u zhvendosën në vende sekrete nga varret masive rreth Damaskut, duke treguar shkallën e gjerë të abuzimeve dhe vrasjeve gjatë regjimit.
