Një episod i paprecedentë ka ndodhur gjatë një mbledhjeje të këshillit në Malësi të Madhe, ku profesoresha dhe përfaqësuesja opozitare, Mimoza, është bërë objekt i një gjuhe fyese nga dy drejtues të institucioneve publike.
Sipas denoncimeve, me fjalor të papërshtatshëm ndaj saj janë shprehur Gjovalin Popaj, drejtor i Kulturës në bashkinë e Malësisë së Madhe, dhe Edmond Curri, drejtor i shkollës së Bajzës. Komentet e tyre kanë shkaktuar indinjatë të fortë, duke ngritur pikëpyetje mbi nivelin dhe etikën e administratës vendore.
Banorë të zonës dhe qytetarë në rrjetet sociale e kanë cilësuar sjelljen e dy zyrtarëve si “të turpshme” dhe të padenjë për funksionin që mbajnë. “Shihni fjalorin dhe nivelin e atyre që na përfaqësojnë”, shkruhet në një denoncim për JOQ, duke theksuar se të dy drejtuesit njihen prej kohësh për sjellje të papërshtatshme, por sërish janë mbështetur nga partia në pushtet.
DENONCUESI SHKRUAN:
“Shih çfarë niveli ka administrata në Malësi të Madhe, e turpshme nga kush përfaqësohemi. Në një mbledhje të këshillit ka komentuar Mimoza, që është opozitare dhe profesoreshë zonjë. Shih me çfarë fjalori përgjigjet Gjovalin Popaj (drejtori i Kulturës ) dhe Edmond Curri (drejtori i shkollës Bajzë).
Të dy njihen për manjakë dhe të pavlerë, por partia, si gjithmonë, i ka vlerësuar. Shih fotot dhe gjykojeni vetë fjalorin dhe nivelin.
E meritojnë demaskimin, sepse s’kanë lënë tender as rrogë shteti pa përpirë, dhe ndërkohë shih çfarë kulture pasqyrojnë.”
/JOQ
