Është zbardhur dëshmia e 18-vjeçares italiane, e cila ka bërë kallëzim në Policinë e Durrësit, ku pretendon se 26-vjeçari L.P., ka abuzuar seksualisht me të.
Ngjarja ka ndodhur në orët e para të mëngjesit të 5 shtatorit, në një zonë me shezllone përballë një hoteli në lagjen nr. 13 të qytetit bregdetar. Preza u arrestua nga uniformat blu, teksa rezulton person me precedent penalë për vepra të mëparshme si armëmbajtje pa leje dhe vjedhje.
Në dëshminë e e dhënë në prani të një psikologeje dhe oficerëve të policisë, e reja italiane ka rrëfyer se ndodhej në vendin tonë se bashku me një grup shoqesh për pushime, dhe atë natë kishin konsumuar alkool.
Sipas saj, rreth orës 05:00 të mëngjesit, ajo ishte shkëputur prej tyre dhe kishte dalë e vetme buzë detit, për t’u qetësuar, në shezllonet e një biznesi. Aty është pikasur nga 26-vjeçari L.P., i cili ka qenë punonjës sezonal në biznesin ku turistet kishin kaluar mbrëmjen.
Pas një bisede të shkurtër me të, L.P. e ka përdhunuar, duke e zhveshur me zor, pavarësisht rezistencës së saj.
“Gjatë natës kemi qenë me shoqërinë dhe kemi konsumuar edhe alkool. Për një çast unë jam larguar prej grupit dhe jam ulur në një shezlong që gjendej disa metra larg hotelit. Kjo ka ndodhur rreth orës 05:30 afërsisht të mëngjesit të 5 shtatorit. Gjatë kësaj kohe më është afruar një person i cili më ka sulmuar dhe me gjithë tentativat e mia për t’u mbrojtur, më ka përdhunuar.
E shtyva disa herë, tentova me gjithë forcën time për të mos ta lejuar të kryente marrëdhënie me mua, por ai nuk u ndal. Më zhveshi me dhunë dhe abuzoi me mua. Më pas ai është larguar. Unë erdha te juve për të bërë kallëzim lidhur me këtë ngjarje”, ka deklaruar 18-vjeçarja italiane.” – ka deklaruar 18-vjeçarja.
Sipas hetimeve të deritanishme dëshmia e vajzës përputhet edhe me gjendjen e saj fizike dhe me dëmtimet që i ka shkaktuar 26-vjeçarit gjatë tentativës për ta larguar atë (dëmtime me thonj në duart e tij, fytyrë).
Në dëshminë e tij të dhënë në komisariat, L.P. ka pohuar se ka kryer marrëdhënie me vajzën, por sipas tij gjithçka ka qenë konsensuale.
Gjithsesi vijojnë hetimet për zbardhjen e plotë të dinamikës së ngjarjes.
