Avokati Arben Llagnozi, për një postimi në rrjetet sociale, ka deklaruar se drejtuesja e Përgjithshme e Kadastrës, Lorena Goxhobelli, duhet që të japë dorëheqjen.
Kjo thirrje e tij vjen pasi gazetarja e emisionit “Stop”, Domenika Bajraktari, ditën e enjte u dhunua fizikisht në ambjentet e Drejtorisë së Kadastrës Kamëz-Vorë, gjatë kryerjes së detyrës së saj për informim.
Llagnozi, në videon e publikuar shprehet se Lorena Goxhobelli jo vetëm që nuk mbajti përgjegjësi dhe të jepte dorëheqjen, por u justifikua me faktin se dhunuesi nuk është punonjës i Kadastrës. Avokati shtron pyetjet se përse duhej ai person të rrinte aty dhe si ishte futur, nëse nuk ishte punonjës, teksa ngre dyshimet se ai mund të ketë qenë sekser.
Avokati thotë se Hipoteka në Shqipëri është kthyer në një institucion të kapur nga korrupsioni, ku qytetarët e zakonshëm nuk mund të marrin dokumente pa lidhje të fuqishme dhe pa pagesa të fshehta.
Postimi i plotë
Drejtoresha e Përgjithshme e ASHK duhet të japë dorëheqjen, Institucioni kthyer në qendër korrupsioni
Hipoteka në Shqipëri është kthyer në një institucion të kapur nga korrupsioni, ku qytetarët e zakonshëm nuk mund të marrin dokumente pa lidhje të fuqishme dhe pa pagesa të fshehta.
Çdo hap bazik kërkon miq të influencës dhe një thes me para, duke treguar një kulturë të thellë abuzimi dhe padrejtësie administrative.
Drejtoresha e Përgjithshme e ASHK duhet të japë dorëheqjen menjëherë, pasi institucioni që ajo drejton është kthyer në një qendër korrupsioni dhe abuzimesh, ku vendimet për tokat dhe legalizimet favorizojnë interesat e grupeve të caktuara dhe lënë qytetarët e ndershëm pa mbrojtje, duke treguar mungesë të plotë përgjegjësie dhe transparence në drejtimin e institucionit.
Në Kadastrën e Lorenës nuk zgjidhet punë, por rrihen gazetarët
