Policia e Tiranë, në kuadër të operacionit “Koordinata”, ka zbuluar në fshatin Urë dy parcela në të cilat ishin kultivuar 427 bimë narkotike kanabis sativa.
Si rezultat, janë identifikuar tre autorët e dyshuar, ku një prej tyre është arrestuar, ndërsa dy të tjerë janë shpallur në kërkim. Në pranga është vënë shtetasi Rim Maxhaku, 58 vjeç, ndërsa në kërkim janë shpallur shtetasit Erjon Kryeziu, 35 vjeç dhe Arlind Maxhaku, 26 vjeç, të tre banues në Shëngjergj.
“Këta shtetas, në bashkëpunim me njëri-tjetrin kanë kultivuar 427 bimë në 2 parcela në fshatin Urë, Njësia Administrative Shëngjergj, të cilat ruheshin me dy kamera online, të vendosura pranë vendit të ngjarjes.” – thuhet në njoftim.
Materialet procedurale i kanë kaluar Prokurorisë së Tiranës për veprime të mëtejshme.
