Mesditën e kësaj të mërkure u zhvillua në Pekin një paradë madhështore ushtarake, nën udhëheqjen e presidentit kinez Xi Jinping, i cili nderoi ata që luftuan gjatë Luftës së Dytë Botërore.
Në krah të presidentit kinez ishin edhe liderë të tjerë të fuqishëm botërorë, si presidenti rus Vladimir Putin dhe udhëheqësi i Koresë së Veriut, Kim Jong Un. Ky aktivitet madhështor kishte për qëllim të demonstrojë fuqinë ushtarake të Kinës dhe të forconte imazhin e vendit si aktor kryesor në skenën ndërkombëtare.
Megjithatë, ajo që tërhoqi më shumë vëmendje ishte prania e ish-kryeministrit italian Massimo D’Alema. Prania e tij ka krijuar polemika në Romë dhe jo vetëm, duke e kthyer një ngjarje të tillë ushtarake në Pekin në temë të diskutimeve për politikën ndërkombëtare dhe lidhjet e vjetra diplomatike.
Miqësia e Massimo D’Alema me Ramën
D’Alema, tashmë 76-vjeçar, është i njohur jo vetëm për karrierën e tij politike në Itali, por edhe për lidhjet e tij ndërkombëtare dhe, më e fundit, për njohjen e veçantë me kryeministrin shqiptar Edi Rama.
Në fakt, D’Alema mund të konsiderohet si “pensionisti” më i famshëm i huaj në Shqipëri, pasi që nga fillimi i vitit 2024 ka hapur një studio konsulence tregtare në Tiranë, në “Pallatin e Kulturës”, një vend që zakonisht është i rezervuar për zyrat e institucioneve dhe bizneset me profile të larta.
Sipas vetëdeklarimit të tij, fitimet e studios “A&I Albania” për vitin 2024 arrijnë rreth 10 mijë euro, shumë më të ulëta se të një emigranti të zakonshëm, duke krijuar kështu një kontrast ironik me imazhin e tij ndërkombëtar dhe statusin e “miqësisë” së tij me Ramën.
Kjo lidhje e veçantë me kryeministrin shqiptar ka bërë që D’Alema të përshkruhet nga Rama si një “mik pro-bono”, i cili ka dëshirë për të ndihmuar me këshilla falas dhe për të ofruar përvojën e tij politike dhe ndërkombëtare pa kompensim të madh financiar.
Megjithatë, kjo miqësi ka tërhequr vëmendjen e mediave dhe analistëve, të cilët e vlerësojnë si një shembull të ndikimit që figura me profil ndërkombëtar mund të ketë edhe në shtete më të vogla si Shqipëria.
Kush është Massimo D’Alema
Massimo D’Alema ka qenë lider i së majtës italiane dhe ka drejtuar qeverinë italiane në vitet 1998-2000, periudhë gjatë së cilës u përqendrua në çështje të politikës së jashtme dhe reformave ekonomike.
Më pas, ai shërbeu si zv.kryeministër dhe Ministër i Jashtëm në qeverinë e Romano Prodit gjatë viteve 2006-2008, duke u shquar për aktivitetin e tij në marrëdhëniet ndërkombëtare dhe diplomacinë evropiane.
Pas largimit nga politika aktive, D’Alema u përqendrua në karrierën e tij si lobist ndërkombëtar dhe ekspert për çështjet globale, duke udhëtuar dhe krijuar lidhje me liderë botërorë, përfshirë presidentë dhe kryeministra nga vende të ndryshme, përfshirë këtu edhe Ramën.
Miqësia e Ramës me persona qe rreshtohen në radhët e autokratëve si Putin dhe presidenti kinez, justifikojnë më së miri “sindromën e diktatorit”, që e ka pushtuar kreun e qeverisë prej kohësh.
LEXO EDHE:
Ish-kryeministri italian i pranishëm në paradën e Xi Jinping në Pekin
