Shtetet e Bashkuara kanë pezulluar miratimin e vizave për thuajse të gjithë qytetarët që mbajnë pasaportë palestineze, raportoi të dielën gazeta The New York Times, duke cituar zyrtarë të paidentifikuar.
Kufizimet e reja shkojnë përtej masave që kishte vendosur më herët administrata e presidentit Donald Trump ndaj vizitorëve nga Gaza. Sipas raportimit, kjo nismë do t’u pamundësojë palestinezëve udhëtimin drejt SHBA-ve për trajtime mjekësore, studime universitare apo qëllime biznesi.
Departamenti Amerikan i Shtetit njoftoi dy javë më parë se kishte pezulluar të gjitha vizat e vizitorit për individët nga Gaza, ndërsa po zhvillon një “rishikim të plotë dhe të thelluar”. Ky vendim është dënuar nga organizatat pro-palestineze.
Të premten, në prag të mbledhjes së Asamblesë së Përgjithshme të Kombeve të Bashkuara në shtator, -të nisin gjithashtu të refuzojë dhe të revokojë vizat e përfaqësuesve të Organizatës për Çlirimin e Palestinës (PLO) dhe Autoritetit Palestinez (PA), konfirmoi Departamenti i Shtetit.
Sipas një marrëveshjeje që ka SHBA si vend pritës i OKB-së në New York, nuk lejohet të ndalojë dhënien e vizave për zyrtarët që marrin pjesë në punimet e Asamblesë së Përgjithshme. Megjithatë, Departamenti i Shtetit theksoi se po e respekton marrëveshjen duke lejuar vetëm misionin palestinez të marrë pjesë në mbledhje.
“Administrata Trump ka qenë e qartë: është në interesin tonë kombëtar që të mbajmë PLO-në dhe PA-në përgjegjëse për mosrespektimin e angazhimeve të tyre dhe për minimin e perspektivave për paqe,” thuhet në një deklaratë të Departamentit të Shtetit.
Kjo masë e re konsiderohet si një hap tjetër i administratës Trump drejt përputhjes me qeverinë e krahut të djathtë në Izrael, e cila kundërshton me forcë krijimin e një shteti palestinez. Raportimi është kontribuar edhe nga gazetari Jason Burke.
