Gazetari Bledian Koka u shpreh se integrimi i Shqipërisë në Bashkimin Europian është shndërruar në një farsë të zgjatur, ku kryeministri Rama luan një lojë të mirëkoordinuar mashtrimi publik.
I ftuar në emisionin “Task Force”, Koka ngriti alarmin se përkundër propagandës së orkestruar, realiteti është krejt tjetër: Shqipëria, sipas tij, është më larg Europës se kurrë, për shkak të kapjes së shtetit, lidhjeve me krimin e organizuar dhe mungesës së një drejtësie të vërtetë.
Ai thekson se si BE, ashtu edhe qeveria shqiptare, janë të vetëdijshme që Shqipëria nuk i përmbush kushtet për integrim dhe se vetë “ëndrra europiane” po përdoret si një fasadë për të legjitimuar një regjim të korruptuar.
Për Kokën, pengesa kryesore që mban të lidhur këtë sistem të kalbur është Soros, ndërsa e vetmja shpresë për ndërprerjen e kësaj lidhjeje vjen nga deklarata e fundit e Donald Trump, që sipas tij, mund të sjellë një ndryshim të madh në qasjen ndërkombëtare ndaj regjimeve të lidhura me axhendën sorosiane.
Pjesë nga deklarata:
Unë mendoj se Europa, që prej ditës që Rama ka vënë këmbë në pushtet, ka qenë ajo ëndrra që duhet servirur, por nuk është realizuar asnjëherë. Sepse gjithçka është në dorë të tij. Kujtojmë për çfarë diskutohej në 2011-2013, çfarë ligjesh kërkoheshin atëherë dhe ku ka përfunduar degjenerimi i vendit.
Mendoj se realisht, nëse shikoni sot, ka dy deklarata të ndryshme brenda një konference. Del Rama dhe thotë që ndoshta nuk jemi gati deri në 2027. Nga ana tjetër, KE thotë që nuk anëtarësojmë vende që kanë probleme me mungesën e shtetit ligjor dhe me korrupsionin. Dhe pastaj ky sinkroni i postuar nga Rama është po i njëjti njeri, dhe ai tjetri nga ana tjetër është po ai njeri, bashkë me postimin që thotë se përandoria jonë e vetme është Europa.
Le të thotë kjo tjetra pastaj se me Edi Ramën do të bëhet kjo gjë, se Rama po bën një punë të shkëlqyer, është një lidership i jashtëzakonshëm. Mendoj që kjo është thjesht një lojë, dhe si Rama, ashtu edhe KE, janë të vetëdijshëm që kjo Shqipëri në BE as në Afrikë nuk mund të integrohet.
Nuk është se vetëm ne i shohim bandat e Sinaloas në zyrën e Ramës. Nuk i shohim vetëm ne deputetët nga Ekuadori deri në Bolivi në Parlament, që veprojnë për llogari të Ramës i shohin edhe ata dhe e dinë më mirë se ne.
Pyetja është: deri ku do të shkojë kjo?
Unë mendoj që e vetmja pikë lidhëse që duhet këputur në këtë mizanskenë të shpifur nga e cila në fund e pësojmë ne është ai që i mban të lidhur: Sorosi.
Prandaj është e rëndësishme deklarata e Trump. Prandaj dhe shpresa që “kavaleria” të vijë dhe ta këpusë këtë lidhje është shumë e rëndësishme. Jo vetëm për impaktin që ka në Shqipëri, por edhe për lidhjet që zoti Rama ndërton me BE-në.
Sepse Shqipëria nuk mund të anëtarësohet në BE në këto kushte: kur bandat e Londrës bëjnë krimin dhe pastrojnë paratë në vend; kur bandat e drogës në Gjermani, Itali e Zvicër bëjnë krimin atje dhe pastrojnë paratë në vendin tonë kjo nuk bëhet.
Kur Gjermania sjell dosjen e Olsi Ramës dhe thotë që ai është njeriu i Xibrakës, dhe “drejtësia e pavarur” thjesht e pushon çështjen, sigurisht që Gjermania nuk e kalon sikur nuk ka ndodhur gjë.
E vetmja gjë që duhet të kuptojmë është: kur do të vijë momenti që do t’i shtypet koka atje ku e ka vendin? Dhe ky është rasti i Sorosit. Urojmë që deklarata e Trump të jetë goditja ndaj Sorosit.
