Kreu i Lidhjes Demokratike të Kosovës, Lumir Abdixhiku në një dalje për mediat nga selia, ka shpallur fitoren e partisë së tij në zgjedhjet lokale të kësaj të diele.
Teksa procesi i numërimit të votave ka nisur prej tre orësh në të gjitha komunat, Abdixhiku u shpreh se LDK ka fituar tre komuna në raundin e parë dhe është në garë për fitore potenciale në 12 të tjera.
“Kemi fituar, prijmë në 3 komuna dhe jemi në garë në 12 komuna. Shpallim fitore në raund të parë në Istog, Lipjan dhe në Junik. Gati për të fituar në raund të parë edhe në Pejë. Në Prishtinë pas 12 vitesh LDK është parti e parë edhe me kandidat për kryetar dhe për Kuvend Komunal. LDK prin edhe në komunat Viti, Obiliq, Dragash. LDK në balotazh është në Fushë Kosovë, Suharekë, Gjilan dhe në Rahovec”, tha Abdixhiku.
