Kombëtarja shqiptare e futbollit sot ka pësuar një goditje të madhe për imazhin e saj, teksa një lojtar i cili prej tre vitesh ishte pjesë e grupit kuqezi, Adrian Bajrami, ka vendosur të shkojë të Zvicra.
Një vendim që ka gjetur të papërgatitur stafin e trajnerit Silvinjo, i cili insistonte prej kohësh se ftonte në ekip vetëm lojtarë që ndjenin 100% fanellën.
Edhe në konferencën e fundit për mediat ai theksoi se ne këtë grumbullim dhe në miqësoren me Gjibraltarin, do i jepte më shumë mundësi lojtarëve si Bajrami që nuk kishin luajtur më shumë me ekipin.
Edhe vetë FSHF, jo më larg se një javë më parë në rrjetet sociale publikonte klipe të tij në një kuiz për tifozët me Medon Berishën, duke nënkuptuar se vendimi i mbrojtësit që ka ardhur si rrufe në qiell të hapur.
Nuk përjashtohet mundësia që Bajrami mund të jetë ndjerë i nënvlerësuar nga Sylvinjo dhe Shqipëria pasi sa herë ishte grumbulluar, kishte përfunduar në pankinë duke mos marrë minuta.
