Qeveria australiane po planifikon të ndalojë përdorimin e mediave sociale për personat nën moshën 16 vjeç, një masë që synon të kufizojë ndikimet e dëmshme të rrjeteve sociale mbi fëmijët dhe adoleshentët. Vendimi pritet të hyjë në fuqi në dhjetor 2025, raporton Reuters.
Sipas ligjit të ri, platformat e rrjeteve sociale duhet të ndërmarrin “hapa të arsyeshëm” për të parandaluar krijimin e llogarive nga fëmijët australianë dhe për të çaktivizuar llogaritë ekzistuese të përdoruesve nën moshën minimale. Ky masë do të zbatohet për platformat kryesore, përfshirë Facebook, Instagram, TikTok, X (ish Twitter), Snapchat dhe YouTube.
Megjithatë, ekspertët kanë ngritur shqetësime në lidhje me privatësinë e të dhënave dhe saktësinë e teknologjisë së verifikimit të moshës, veçanërisht për përdoruesit që janë afër kufirit të moshës ose kanë tipare të ndryshme etnike.
Sondazhet tregojnë se shumica e prindërve australianë mbështesin këtë ndalim, duke e parë si një masë të nevojshme për mbrojtjen e fëmijëve nga rreziqet e bullizmit online dhe ndikimet negative në shëndetin mendor.
Ky ligj është një nga të parët në botë që vendos një moshë minimale për përdorimin e mediave sociale dhe mund të shërbejë si model për vendet e tjera.
