Socialistët duhet të presin shtatorin për të mësuar nëse do të jenë pjesë e ekipit “Rama 4”, pasi kryeministri ende nuk e ka thirrur zyrtarisht Asamblenë e PS.
Prej ditës së djeshme, Rama ka pritur e ka përcjellë në zyrë vartësit e tij. Aty janë paraqitur ditën e djeshme numri dy i qeverisë, Belinda Balluku, kryetarja e Kuvendit Elisa Spiropali dhe kreu i Grupit Parlamentar të PS, Niko Peleshi. Ndërkohë ditën e sotme, Rama ka pritur në zyrë thuajse të gjithë ministrat e tij, prej orëve të para të mëngjesit.
Në mesditë në zyrën e Ramës ka hyrë edhe ish-Presidenti i Kosovës, biznesmeni Behgjet Pacolli, kompania e të cilit është duke ndërtuar aeroportin e Vlorës.
Pacolli është parë duke dalë nga godina e qeverisë pas përfundimit të takimit, duke ngritur pikëpyetje se çfarë e lidh atë me mbledhjet e qeverisë shqiptare.
