Kreu i PD-së Sali Berisha këtë të dielë ka publikuar në faqen e tij në Facebook një video nga një deklaratë e mëhershme e ish-kryeministrit socialist Fatos Nano, ku ky i fundit shprehet me tone kritike për lidhjet e Edi Ramës me elementë me precedentë penalë.
Në video, e cila është shkëputur nga një emision televiziv, Nano flet për kërcënime ndaj tij dhe për përfshirjen e personave me të shkuar kriminale në fushatat zgjedhore të Ramës.
“Lidhjet e krimit janë lidhje shpirtërore për Ramaduron!”, shkruan Berisha në postimin e tij, duke e cilësuar videon si një tjetër provë të lidhjeve të kryeministrit me krimin.
