Fluksi i emigrantëve në mesin e muajit gusht, sjell edhe radhët kilometrike në doganën e Kapshticës. E njëjta situatë po përsëritet edhe këtë vit.
Siç e shihni në pamjet e mëposhtme, paraditen e kësaj të diele, radha e mjeteve që presin për të hyrë në territorin e Republikës së Shqipërisë i kalon 2 kilometra.
Mësohet se vetëm 5 ditët e fundit nëpërmjet pikës së kalimit kufitar të Kapshticës kanë hyrë nga Greqia drejt Shqipërisë me tepër se 37 mijë shtetas.
Burime bëjnë me dije se veç fluksit të emigrantëve që punojnë në shtetin fqinj, ajo që e shkakton më së shumti radhët kilomterike është mungesa e personelit dhe puna me sportele të reduktuara e palës greke në pikën e kalimit kufitar të Krystallopigis.
Kjo është një situatë e përsëritur e përvitshme ku në muajin gusht, kur është edhe fluksi më i lartë, punonjësit e doganës greke marrin pushimet.
