Policia e Vlorës në bashkëpunim me atë të Himarës kanë arrestuar një të ri, i cili akuzohet se shiste doza me lëndë narkotike në zonën turistike të fshatit Livadhë.
Në kuadër të operacionit të koduar “Night Strike” është vënë në pranga shtetasi M. P., 28 vjeç, banues në Elbasan.
“Gjatë kontrollit fizik dhe të dhomës ku ky shtetas ishte akomoduar, Policia sekuestroi në cilësinë e provës materiale:
- sasi me lëndë narkotike kokainë në rreth 120 doza;
- sasi me lëndë narkotike kanabis në rreth 65 doza;
- një shumë parash, e dyshuar e përfituar nga kjo veprimtari kriminale.
Nga veprimet hetimore dyshohet se ky shtetas e përgatiste lëndën narkotike në doza në dhomën ku ishte akomoduar e më pas e shiste atë në zonat turistike të vijës bregdetare, të frekuentuara nga pushues dhe turistë të huaj.” – thuhet në njoftimin e Policisë.
Materialet procedurale i kan[ kaluar Prokurorisë së Vlorës për veprime të mëtejshme proceduriale.
