Është arrestuar një 67-vjeçar, i cili mbrëmjen e sotme në rrugën e Kunes në Shëngjin dyshohet se ka plagosur rëndë me sende të forta në kokë shtetasin F. P., 50 vjeç, pas një konflikti për një vend parkimi.
Ngjarja ka ndodhur për motive të dobëta, ndërsa bashkë me të, nën hetim është edhe djali i tij, E. D., 40 vjeç.
Pas plagosjes, autorët janë larguar nga vendi, por rreth një orë më vonë u ndalua automjeti me të cilin udhëtonin dy të dyshuarit.
Në përfundim të hetimeve paraprake, F. D. u arrestua për “Plagosje të rëndë me dashje”, e kryer në bashkëpunim, ndërsa djali i tij vijon të jetë nën hetim. Materialet i janë referuar Prokurorisë së Lezhës për veprime të mëtejshme.
LEXO EDHE:
