Lefter Maliqi ka reaguar në lidhje me aktin e sotëm të Qeverisë, e cila ka rrethuar me Polici godinën e News 24 në Shkozë, duke i fikur sinjalin televizionit dhe duke mos lejuar gazetarët të futen në redaksi, për shkak se do e kthejë në fabrikë të prodhimit të armëve.
Në një postim në rrjetet sociale, Maliqi e konsideron si një çmenduri dhe akt të paprecedent, ku sipas tij, po ushtrohet dhunë psikologjike ndaj gazetarëve dhe medias së lirë.
Ai thotë se po kthehemi në diktaturëd dhe duhet reagim i menjëhershëm i opozitës, ambasadave dhe ndërkombëtarëve.
“Çmenduri e radhës, akt i paprecedent! Skandal, akt terrori, dhunë psikologjike ndaj gazetarëve dhe medias së lirë. Narkoshteti me uniformë rrethon median më të madhe informative dhe më të ndjekur, NEWS 24, duke mos lejuar gazetarët dhe duke ndërprerë sinjalin e transmetimit pa paralajmërim. Kulmi i instalimit të diktaturës, ngjarje e paprecedent. Reagimi duhet të jetë i fortë — po kthehemi në diktaturë, kodin penal po e ndryshojnë si në diktaturë, median po e terrorizojnë dhe e mbajnë nën kontroll, kudo po sundojnë bandat, krimi, oligarkët. Duhet reagim i menjëhershëm i opozitës, ambasadave, Unionit të Gazetarëve vendas dhe ndërkombëtar. Vendi në panik për shkak vetëm të një Kryeministri hakmarrës, primitiv, të papërgjegjshëm “ – shkruan Maliqi.
