Një ngjarje e rëndë është regjistruar mbrëmjen e kësaj të premteje, rreth orës 21:00, në fshatin Bogdan të Berat, ku një person është vrarë aksidentalisht.
Autoritetet policore raportojnë se shtetasi Dhimitër Kuqi, 53 vjeç, dyshohet se ka qëlluar me armë gjahu me qëllim për të vrarë një kafshë të egër dhe nga pakujdesia ka plagosur shtetasin Adriatik Toska, 57 vjeç, i cili si pasojë e plagës së marrë ka ndërruar jetë në spital.
Burime bëjnë me dije se si autori edhe viktima, kanë qenë duke ruajtur prej disa netësh parcelat me misër, që i dëmtonin derrat e egër, kur në përpjekje për të gjuajtur derrin, 53-vjeçari Dhimitër Kuqi ka gjuajtur aksidentalisht bashkëfshatarin e tij Adriatik Toska, i cili ka gjetur vdekjen e menjëhershme.
Autori Dhimitër Kuqi është shoqëruar në ambientet e Drejtorisë Vendore të Policisë Berat, për veprime të mëtejshme.
Policia thotë se grupi hetimor ndodhet ne vendngjarje dhe po punon për zbardhjen e plotë të rrethanave të kësaj ngjarje.
