Një 63-vjeçar me probleme të shëndetit mendor është proceduar penalisht nga policia, pasi dyshohet se ndezi zjarrin që u përhap në të gjithë zonën e pyllit në Poliçan.
Konkretisht, 63-vjeçari ka ndezur zjarrin në territorin e Kombinatit Mekanik në Poliçan dhe si pasojë e përhapjes së flakëve është djegur një sipërfaqe pyjore.
“Specialistët e Seksionit për Hetimin e Krimeve në Stacionin e Policisë Poliçan referuan materialet në Prokurori, ku nisi procedimi në gjendje të lirë për shtetasin M. S., 63 vjeç, banues në Poliçan, me probleme të shëndetit mendor, pasi dyshohet se në territorin e Kombinatit Mekanik në Poliçan ka ndezur zjarr dhe si pasojë e përhapjes së flakëve është djegur një sipërfaqe pyjore.”- njofton policia.
Materialet procedurale iu referuan Prokurorisë së Beratit, për veprime të mëtejshme.
