Një zjarr i përmasave të mëdha ka rënë pasditen e kësaj të mërkure në pyllin me pisha dhjetravjeçare në fshatin Gjinoqarë, të bashkisë së Patosit.
Mësohet se era po ndihmon në përhapjen e flakëve, ndërkohë që terreni është shumë i thyer dhe e bën të pamundur ndërhyrjen e forcave zjarrfikëse.
Në vëndin e ngjarjes raportohet se kanë shkuar 4 automjete zjarrfikëse të Patosit dhe Mallakastrës, por ndërhyrja është e pamundur.
Mësohet se zjarrfikësit dhe banorë të fshatit po punojnë me mjete rrethanore për të bërë të mundur parandalimin e përhapjes së zjarrit në përmasa edhe më të mëdha.
