Një përleshje masive është regjistruar në plazhin e Odesës së shkatërruar nga lufta në Ukrainë, kur dy vajza të veshura me bikini u përplasën dhe u rrëzuan përtokë.
Mediat e huaja raportojnë se gjithçka ka nisur pasi në një nga lokalet aty pranë vendosi muzikë ruse. Në Ukrainë ekziston një ndalim për luajtjen në publik të muzikës ruse për shkak të pushtimit të urdhëruar nga Vladimir Putin, megjithëse arsyeja e saktë për këtë “free-for-all” nuk është konfirmuar.
Videoja fillon me dy vajza që tërheqin nga flokët dhe qëllojnë njëra-tjetrën me grushte. Skena më pas shndërrohet në një përleshje masive, ndërsa të tjerat bashkohen në përleshje.
Gjithashtu, dy burra me rroba banje mund të shihen duke iu afruar atyre për të ndaluar sherrin dhe për t’i tërhequr nga njëri-tjetri. Kurse nga një kënd tjetër, dy burra mund të shihen duke u rrahur ndaras, pasi njëri përpiqet ta tërheqë tjetrin nga përleshja.
Mediat televizive Strana, e cila anon nga opozita, pretenduan se “konflikti lindi për shkak të muzikës ruse”. Rajoni i Odesës është përballur me më shumë se 700 sulme ruse gjatë luftës, e cila filloi në shkurt të vitit 2022.
