Dosja hetimore e prokurorisë së Fierit rendit shkeljet e rënda që ka kryer kompania koncesionare “Bankers Petroleum Albania” që shfrytëzon fushën naftëmbajtëse të Patos-Marinzë, Fier.
Prokurorët vënë në dukje se nga këqyrja e Raport-Kontrollit Tatimor për Maj 2018- Nëntor 2018, ka rezultuar diferenca ndërmjet gjendjes fizike dhe gjendjes kontable të produktit “Naftë Bruto” me një diference prej 542.130 litra.
Në muajin Nëntor 2018 nga vlerësimi tatimor ka rezultuar detyrimi, për TVSH-në 4.2 milionë lekë dhe po kaq edhe penalitet. Përveç detyrimeve për TVSH-në shoqëria “Bankers Petroleum Albania Ltd”, duhet të paguajë Rente Minerare në masën 10% të shitjes dhe konkretisht: Rente Minerare 21 milionë lekë Gjobë 100% pra 2 milionë lekë të tjera.
Shkeljet ligjore të mësipërme, përmbushin elementët e veprës penale “Fshehja e te ardhurave” dhe përbëjnë dëm financiar për buxhetin e shtetit, në kushtet e kryerjes së evazionit tatimor.
Drejtoria e Taksapaguesve të Mëdhenj ka nxjerrë Aktin Administrativ i cili i është bërë me dije tatimpaguesit.
Referuar këtij akti është nxjerrë një detyrim tatimor për vlerën e llogaritur sipas kontrollit 12.7 milionë lekë./TCH
