Të shtëna me armë janë regjistruar ditën e djeshme pranë një stani në fshatin Mesul, në bjeshkët e Munelles.
Policia bën me dije se një 37-vjeçar ka denoncuar se ka dëgjuar të shtëna me armë, ndërsa ‘blutë’ në vendngjarje kanë gjetur 6 gëzhoja.
“Ditën e djeshme shtetasi E. N., 37 vjeç, banues në fshatin Spaç, ka kallëzuar se në largësi të Stanit të tij, në bjeshkët e Munelles, në fshatin Mesul, kanë qëlluar me armë zjarri në ajër. Në vendin e ngjarjes kanë shkuar menjëherë shërbimet e Policisë të cilët kanë gjetur e sekuestruar në cilësinë e provës materiale 6 gëzhoja”, njoftoi policia.
Aktualisht vijojnë hetimet për zbardhjen e plotë të ngjarjes dhe identifikimin e personave përgjegjës.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
