Janë zbardhur detaje të reja nga arrestimi në Vlorë i 42-vjeçarit Flodian Plaku, i cili ishte shpallur në kërkim si një nga tre atentatorët në vrasjen e Gentjan Bejtjas, atentat i regjistruar më 15 Mars të vitit 2024 në Larushkë të Fushë Krujës.
Burime për mediat bëjnë me dije se ai është kapur në Orikum, teksa në momentin e arrestimit ka qenë me shtetasin Jualian Aliaj, me precedent penal në trafikun e drogës, i cili po ashtu është arrestuar.
Gjithashtu, mësohet se Flodian Plakut dhe Julian Aliajt u janë gjetur edhe dy armë zjarri pistoletë, të cilat u janë sekuestruar nga uniformat blu.
Po të njëjtat burime konfirmojnë për mediat se Policia e Shtetit kishte informacione se Flodian Plaku kishte marrë sërish porosi për të kryer vrasje me pagesë.
Mësohet se Flodian Plaku është kapur në Orikum, teksa arrestimi është kryer nga Forcat Operacionale të Policisë së Shtetit dhe forcat speciale RENEA.
Flodian Plaku, pjesë e grupeve kriminale të Vlorës, ka përdorur edhe mbiemrat Mamo dhe Serjani, teksa njihet me nofkën “Pole Qorri” dhe rezulton me disa precedentë të mëparshëm penalë.
42-vjeçari nga Vlora, por që jetonte kryesisht në Greqi dhe Itali, dyshohej se fshihej në Dubai, teksa në atenatin ndaj Gentjan Bejtjas dyshohet se ka vepruaar si vrasës me pagesë.
Flodian Plaku rezulton dhe si “koka” e një bande të trafikut të drogës nga Vlora drejt Italisë. Ai është arrestuar në vitin 2019 në Vlorë. Gomonet me kanabis ngarkoheshin në Shqipëri dhe dërgoheshin Brindizi dhe droga nëpërmjet korrierëve shpërndahej nga Puglia drejt Romës, Napolit, Milanos dhe Firenzes.
Vrasja e Gentjan Bejtjas, arrestohet në Vlorë atentatori “Pole Qorri” me tre EMRA
