Një ngjarje e tronditëse ka ndodhur në aeroportin El Prat të Barcelonës në Spanjë.
Mediat e huaja raportojnë se një djalë 10-vjeçar është lënë i vetëm në hollin e nisjeve nga prindërit e tij, pasi dokumentet e tij nuk ishin në rregull, pasaporta e fëmijës kishte skaduar.
Prindërit nuk e kanë marrë mundimin që të anulojnë pushimet dhe të të rifreskojnë dokumentacionin, por kanë zgjedhur të nisen për pushimet, duke lënë djalin në pritje të një të afërmi që ta merrte.
Incidenti u zbulua në një video virale në TikTok të ndarë nga një grua me emrin Lilian, një koordinatore e operacioneve ajrore në aeroportin spanjoll. Videoja e Lilian ka marrë mbi 300,000 shikime, duke shkaktuar zemërim të gjerë për veprimet e prindërve.
Lilian pretendoi se çifti kishte rregulluar që një i afërm të merrte fëmijën në mënyrë që ata të mund të vazhdonin pushimet. “Ata nuk donin t’i shpërdoronin biletat”, tha ajo, duke kujtuar shpjegimin e prindërve për stafin e aeroportit.
Autoritetet e gjetën djalin vetëm në terminal. Ai thuhet se i tha policisë se prindërit e tij kishin hipur tashmë në avion dhe ishin duke u kthyer në shtëpi.
