Babë e bir janë arrestuar në Ksamil pasi dyshohet se kanë ushtruar dhunë ndaj një të afërmi të tyre.
Sipas Policisë, të ndaluarit gjatë një konflikti familjar të ndodhur dje, kanë sulmuar fizikisht me mjete të forta një 57-vjeçar, i cili rezulton të jetë vëllai i 62-vjeçarit.
I dhunuari ka pësuar dëmtime në kokë si pasojë e dhunës.
“Specialistët për Hetimin e Krimeve në Komisariatin e Policisë Sarandë arrestuan në flagrancë shtetasit Sh. H., 62 vjeç dhe E. H., 35 vjeç (babë e bir), banues në Ksamil, pasi më datë 28.07.2025, gjatë një konflikti, në bashkëpunim me njëri-tjetrin, kanë goditur me sende të forta shtetasin B. H., 57 vjeç (vëllai i shtetasit Sh. H.), banues në Ksamil, duke i shkaktuar dëmtime në pjesën e kokës”, njofton Policia.
