Asfaltimi i rrugës në fshatin Kraps, pjesë e një investimi të fundit nga Bashkia Fier, është kthyer në shqetësim për komunitetin lokal. Vetëm pak ditë pas përfundimit të punimeve, në disa segmente të rrugës janë shfaqur dëmtime serioze, përfshirë çarje dhe shembje të shtresës së asfaltit.
Banorët pretendojnë se problemi qëndron te cilësia e dobët e realizimit, duke theksuar se rruga nuk është shtruar me dimensionet dhe standardet e kërkuara ku “babëzia” për të vjedhur kalon çdo limit. Sipas tyre, në disa pjesë, trashësia e asfaltit është minimale dhe e papërshtatshme për rezistencë afatgjatë.
Të shqetësuar për situatën, banorët kanë ngritur dyshime për keqpërdorim të fondeve publike dhe kërkojnë transparencë për mënyrën si janë kryer punimet. Ata shtojnë se kalimi i shpeshtë i mjeteve të rënda, përfshirë kamionët e Bashkisë Fier, ka përshpejtuar dëmtimin e rrugës së sapo ndërtuar.
Deri tani, institucionet vendore nuk kanë dhënë një reagim zyrtar në lidhje me këto pretendime.
Në një video-denoncim të dërguar në redaksinë e JOQ, një qytetar shprehet: “Dua te postoni kete vidio qe tregon punimet ketu ne zonen tone Griz, Kraps Fier. Rruga 10 dite qe esht perfunduar u prish po nga kamionat e bashkis. Edhe pse u ndertua pa zbatuar gjeresin por dhe trashesia jo me shume se 5 cm ne cdo pjes te sajen. Armando Subashi pergjegjes ne kete Tender bashk me kompanin e shtrimit rrugëve Firma Paqësori Lushnje”
View this post on Instagram
