Edi Rama, zhvilloi këtë pasdite një mbledhje të gjatë me dyer të mbyllura me ministrat dhe drejtuesit e Bashkisë Tiranë, ku takimi zgjati disa orë.
Duket se Edi Rama po përgatitet për zgjedhje të reja në Bashkinë e Tiranës, ku referuar burimeve mediatike, drejtimin e organizimit të ri të strukturave të Bashkisë ia ka lënë në dorë Belinda Ballukut, teksa sot u kërkoi shkarkim edhe nënkryetarëve, përfshirë dhe krytebashkiaken e komanduar Anuela Ristani.
Aparati fotografik i LSA ka kapur edhe portretet e të pranishmëve, pas përfundimit të mbledhjes. Të fundit që kanë dalë nga mbledhja kanë qenë Edi Rama me dy ministret e tij Belinda Balluku dhe Ogerta Manastirliu. Këto të fundit shihen mjaft të lumtura dhe të qeshura.
E njëjta gjë nuk mund të thuhet për Anuela Ristanin, si dhe për Blendi Gonxhen, ku ky i fundit ishte “ngrehur” për të kandiduar për Bashkinë e Tiranës, por duket se shpresat i janë shuar shpejt. Ata janë fotografuar me portretet të ngrysura.
