Kreu i Partisë Demokratike, Sali Berisha, ka reaguar sot për çështjen e mandateve në Gjykatën Kushtetuese, duke akuzuar qeverinë dhe institucionet e drejtësisë se po veprojnë në shkelje të ligjit.
Në një deklaratë për mediat, Berisha u shpreh se Gjykata e Lartë nuk ka kompetencë të ndërpresë mandatet e anëtarëve të Kushtetueses, duke akuzuar anëtarin Sokol Sadushi për veprim politik.
“Gjykata e Lartë nuk ka asnjë tagër për të ndërprerë mandate. Është përdorur Sokol Sadushi për të larguar gjyqtarët që nuk i pëlqen Ramës. Ka përdorur vendin që ka për të kryer një akt antikushtetues”, deklaroi Berisha.
Më tej, Berisha akuzoi Presidentin Bajram Begaj se është “i marrë peng” nga Kryeministri Rama për shkak të asaj që e cilësoi si “afera e porteve të ushtrisë”.
“Begaj ekziston vetëm në letër, goja nuk i çelet më. Është marrë peng me aferën e tmerrshme të porteve të ushtrisë. Të gjitha deklaratat e tij dhe të kryetares së Kuvendit dalin nga zyra e propagandës së Ramës”, tha Berisha.
Berisha: Gjykata e Lartë nuk ka asnjë tagër. Po, është e vërtetë ajo që i njihet e drejta e propozimit, por jo e mbarimit të mandateve. Ky është problemi! Sokol Sadushi është përdorur. Ka përdorur vendin që ka në Gjykatën e Lartë për të bërë gjithçka që të ndërpritet mandatin i gjykatëses apo gjykatësve që nuk pëlqehen nga Edi Rama… Po si mund të flasësh? Po çfarë ke parë individuale ose qoftë dhe një mikronë të ndryshme nga Bajrami nga Edi Rama? Janë një ata.
A e ke marrë vesh? Mjafton të lexosh komunikatat që lëshojnë, me një diferencë një orë nga njëra-tjetra, Pëllumbesha dhe Bajrami, që i marrin të dyja nga Fuga, nga Rama. Por ata harrojnë se bëjnë skandal. Nuk ka aty, ku ekziston ai. Ai ekziston në letër. Ai ka humbur që e ka marrë peng me aferën e tmerrshme të porteve të ushtrisë, goja e tij nuk çelet më. Nuk çelet më. Nuk ka këtu. Kjo është ajo që mund të them.
