Gazetari Enton Abilekaj ngriti alarmin për një skemë të re të mazhorancës që synon kapjen e Gjykatës Kushtetuese.
Sipas tij, lëvizjet e fundit synojnë zëvendësimin e anëtarëve me juristë të kontrolluar politikisht. Ai veçoi rastin e Sonila Bejtës, duke theksuar se mazhoranca kërkon të eliminojë zërat e pakicës.
“Një nga gjyqtarët të nivelit më të lartë në Shqipëri, që ka marrëdhënie shumë të ngushtë me mazhorancën, vendos që në një moment të rishikojë mandatet e disa prej anëtarëve të GJK. Ajo që habiti ishte kur lufta filloi për dy vakanca të plota. Qëllimi është që këta gjyqtarë që fituan në një procedurë të mëparshme, të zëvendësohen ndoshta mendoj që ky është qëllimi me gjyqtarë dhe juristë të kontrolluar që tani janë në dispozicion të mazhorancës.
I gjithë parlamenti kur u shpreh për herë të parë, ne e pamë vetë Elisa Spiropalin, kryetaren e parlamentit, pasi u këshillua nga juristët, e deklaroi vakancën e Sonila Bejtës të plotë dhe mandatin e saj deri në 2028. Duhet të kujtojmë që megjithëse sot doli edhe opozita, që këtu bëhet fjalë për një anëtare të GJK që është Sonila Bejta, e cila është gjithmonë pakicë në vendimet që merr, sidomos në vendimet që i ushtohet presion nga mazhoranca. Ne e kemi parë që ka një raport pakice, por ky raport pakice është një grep ku mund të kapen gjykatat e tjera ndërkombëtare. Ky është shqetësimi për mazhorancën. Pushteti që tani është pa fre dhe do të bëhet pa referencë. Edi Rama dëshiron ta gllabërojë 100% Gjykatën Kushtetuese.” – tha Abilekaj per SYRI TV.
