Gazetari Enton Abilekaj ka ngritur shqetësime të forta mbi gjendjen aktuale të drejtësisë në Shqipëri, të cilën e cilëson si të deformuar dhe të paprekshme për shkak të ndikimeve ndërkombëtare.
Ai vuri në dukje pasojat e rënda të reformës në drejtësi, ku mijëra dosje mbeten pa zgjidhje prej vitesh dhe se shpresa për ndryshim është e largët, për sa kohë që sistemi mbështetet dhe legjitimohet nga BE-ja dhe SHBA-ja, me ndikim të fortë të Soros.
“Problemi është që kemi ne sot është që, kjo reformë në drejtësi që ne e dimë se çfarë është në Shqipëri dhe ja kemi parë rezultatet, që ka lënë 150 mijë dosje, 150 mijë shqiptarë pa përgjigje që nga 2017. Që ka futur në burg opozitën dhe i mohon njërit prej liderëve të opozitës edhe të nxjerrë kokën në dritaren e qelisë, nuk e lejon.
Problemi është që ne sot nuk e ndryshojmë dot sepse bashkimi Evropian na thotë mos ndërhyni sepse drejtësia është e shenjtë. Sepse kjo drejtësi po rrëzon korrupsionin dhe po e çon vendin para. Çfarë do të ndodhë me këtë edhe në qoftë se nuk do të ndërrohej pushteti. A do të bëhet një reformë në drejtësi për të shkatërruar këtë reformë që u bë?
Është shumë sfiduese kjo dhe mendoj që është shumë e vështirë që të ndodhë në Shqipëri shpejt, të paktën jo përpara se të ndodhë në Amerikë dhe pastaj të influencohet.
Nëse do të ndodhë arje që do të pastrohen, që është shumë e vështirë të pastrohen, sepse ne patën edhe një rast me zgjedhjet, fituan përsëri të majtët. Ndodh të pastrohet pas disa vitesh, po a do të ketë kohë kjo administratë të pastrohet, ado të reflektohet pastaj në Shqipëri?
Ideja është që, kjo drejtësi që u ndërtua, ky sistem që u ndërtua, a është ndërtuar përfundimisht apo kemi shpresa të shkallmohet? Unë e shoh shumë të vështirë që të shkallmohet. Sepse sa të bëhet në Amerikë… Unë nuk besoj që të mjaftojë mandati i Trump që të pastrohet drejtësia e Sorosit. Kështu që sa të ndodhë atje, nëse ndodh deri në fund, sa të vijë këtu, duhet të bindet BE-ja, kjo është shumë e vështirë për të ndodhur. Ne jemi robër të kësaj gjëje“, tha Abilekaj në Syri TV.
