Një ngjarje e dhunshme tronditi pushuesit ditën e sotme në plazhin e Ksamilit, ku një person me precedentë penal goditi me grushte në sy të familjarëve dhe fëmijëve pronarin e një hoteli të zonës, i identifikuar si Albert Pashaj.
Agresori është identifikuar si Agim Taraj, person me precedentë penalë për dhunë dhe trafik droge.
Ngjarja që shokoi të gjithë pushuesit dëshmoi se policia e Sarandës fle gjumë teksa premton rend e siguri në të gjithë vijën bregdetare.
Pasi lajmi mori dhenë dhe shkaktoi frikë e pasiguri tek të gjithë, shefi i komisariatit të Sarandës, Gëzim Bashllari, u zgjua dhe shoqëroi në polici agresorin.
Në një reagim të vonë, policia njofton se shoqëroi agresorin dhe po punon për identifikimin dhe shoqerimin e personave të tjerë të dyshuar si të përfshirë në këtë konflikt.
“Sot, rreth orës 12:45, në Ksamil, dyshohet se gjatë një konflikti për motive të dobëta, është dhunuar me sende të forta shtetasi A. P. Menjëherë, nga shërbimet e Komisariatit të Policisë Sarandë është bërë shoqërimi i shtetasit A. T, si dhe po punohet per identifikimin dhe shoqerimin e personave te tjere të dyshuar si persona të përfshirë në këtë konflikt.”– njofton policia.
