Agjencia e Mbikëqyrjes Policore ka arrestuar në flagrancë një punonjës të policisë së Krujës, i dyshuar për kanosje dhe shpërdorim detyre.
Punonjësi i policisë K.K., me detyrë në Trupën e Shërbimit/Patrullën e Përgjithshme të Komisariatit të Krujës, akuzohet se sëbashku me babanë e tij ka kanosur dhe dhunuar fizikisht shtetasin me inicialet B.K, i cili përfundoi në spitalin e Traumës.
“Arrestimi u bë i mundur pasi ditën e djeshme, punonjësi i policisë (jashtë shërbimit) në bashkëpunim më babain e tij, shtetasin D.K., për motive të dobëta kanë kanosur dhe dhunuar fizikisht shtetasin B.K., i cili ka marrë ndihmën mjekësore në Spitalin e Traumës.”, thuhet në njoftimin e AMP-së.
Materialet proceduriale janë referuar pranë Prokurorisë së Shkallës së Parë Tiranë për ndjekje të mëtejshme ligjore.
