Analisti Armand Shkullaku teksa ka analizuar raportin e dorëzuar në Kongresin Amerikan për veprimtarinë e Soros, ka dekalruar se ky fondacion bëri dhe reformën në drejtësi, e cila sipas tij është e dështuar.
Më tej Shkullaku deklaroi se, drejtësia duhet që ti shërbejë qytetarëve, por në Shqipëri i shërben Edi Ramës.
Shkullaku ngriti pikëpyetje edhe për rolin e SPAK, që sipas analistit, nuk po bën detyrat e tij.
“Reforma në drejtësi është një reformë e dështuar dhe e vetmja gjë që do mbajnë si i mbyturi që kapet pas fijes së kashtës, është SPAK që është totalisht në shërbim të pushtetit.
Po ta pyesje dikur, kur filloi reforma në drejtësi, një ambasador të çfarëdoshëm të vendeve të BE-së; a mundet që një vend Europian të mos ketë Gjykatë Kushtetuese? Boo shumë e rëndë, thoshin. A mundet të mos ketë Gjykatë të Lartë, se këta e filluar vetingun nga lart.
Shqipëria ka qenë një vend pa gjykata të larta.
Sa dosje janë sot që presin? Ka qytetarë që janë në gjyq prej 20 vitesh dhe presin e presin. 150 mijë dosje po ti shumëzosh me minimumi 3 që janë palë, i thotë gjysëm milioni njerëz që nuk marrin drejtësi.
Po thelbi i drejtësisë kush është? Ti shërbehet njerëzve dhe jo Edi Ramës.
Dalin këta dhe thonë, SPAK po lufton, por se çfarë po lufton nuk e di. Se SPAK nëse do të luftojë, e dimë se çfarë duhet të luftojë.
Dy elementë nga këto ka vuajtur Shqipëria, që edhe sot nuk zgjidhen.
Një korrupsioni në nivele të larta që nuk do të thotë sa shtëpi ka një ministër, apo sa të brendshme ka gruaja e ministrit. Por kush janë procedurat që prodhojnë një aferë korruptive.
Pra si është arritur deri këtu, kush ka bërë tenderin, kush ka firmosur, ku është marrë urdhri, etj.
Është korrupsionin që prodhon para dhe këto para shkojnë për të blerë vota. Ka thënë Rama vetë, vjedhim Shqipërinë për të blerë vota dhe blejmë vota për të vjedhur Shqipërinë.
Dhe elementi i dytë është krimi elektoral. Këto dy probleme kemi pasur të paktën në 3 zgjedhjet e fundit.
Dhe të vjen të qeshësh se SPAK thotë se, do të ndëshkohen këta që kanë vjedhë zgjedhjet në 2021. 2021 mbaroi, ç’na duhet ne“, u shpreh Armand Shkullaku në SYRI TV.
