Arlis Shala është futbollisti më i ri i Teutës. Pasi mbylli aventurën e tij me Vushtrrinë në Kosovë, portieri 24-vjeçar ka vendosur që të transferohet te ekipi durrsak në Superiore.
Për Shalën, ky është një rikthim pasi më parë ka luajtur për Teutën U17 dhe atë U19 para se të transferohej në Itali te Cesena. Pas aventurës italiane, 24-vjeçari ka luajtur për ekipe në Shqipëri dhe Kosovë.
Shala ka veshur fanellën e ekipeve si Besa, Flamurtari, Luftëtari, Llapi, Kastrioti, Drenica, Liria dhe së fundmi Vushtrria. Tashmë rikthehet në Durrës si “djali i shtëpisë”.
