Nga Klodian Tomorri
Nga të gjithë të indinjuarit për çështjen e Thethit, dallon një kategori. Këta nuk kanë asnjë lidhje me Thethin, mund të jenë nga Tirana, Korça, Peqini apo çdo cep i Shqipërisë.
Shumica prej këtyre ndoshta s’kanë shkuar asnjëherë në Theth. E megjithatë këta janë shume te shqetësuar për shkatërrimin e Thethit nga bujtinat e banoreve. Dhe kushdo tjetër, qe e mendon ndryshe është Salist, anarkist, kundër ligjit e kështu me radhë.
Tani ka një problem te vogël. Këta nuk shqetësohen nga batërdia në Tiranë, ku njerëzit nuk po marrin dot më frymë. Nuk shqetësohen nga lumenjtë e betonit në çdo cep te bregdetit. Madje nuk e kanë problem për shembull faktin qe këtu u betonizua Butrinti. Dhe Butrinti është parku më i bukur i Evropës.
Nuk ka vend tjetër, që të ketë det, liqen, histori, bukuri ashtu si Butrinti. As Italia nuk ka ashtu. Por ai betoni i Idajetit te Albstarit ne Manastir, i cili rrugës u dyfishua me vendim te qeverisë tonë që i do shumë zonat e mbrojtura, nuk është problem. Problem i madh është vetëm Thethi.
Tani e gjitha kjo qe po ndodh ne Theth është shume e thjeshtë. Aty do rrëmbehen prona. Për këtë po bëhet e gjithë kjo.
Është e njëjta skemë që u bë në Jug. A ja u morën pronat Himarjotëve, Dhërmiut, Palasës dhe gjithë bregut? Po me këtë stil ja u morën. Këtë po bëjnë dhe në Theth.
Kjo është qeveria që ka bere transferimin më të madh të pronësisë ne 100 vitet e fundit ne Europë. Toka publike të tjetërsuara në shkalle industriale, toka të marra me dokumente të falsifikuara, ose forcërisht përmes ligjit. Shikoni pronarët e jugut sot kush janë dhe është shumë e qarte.
Ky lloj transferimi pronësie në Europë është bërë në kohen e mesjetës. Atje e ndante mbreti, shpërblente ushtarët, kur pushtonin territore, me prona. Kjo po ndodh këtu, vetëm pa pjesën e luftës.
Me pak fjale, ky po cakton pronaret e Shqipërisë, njerëzit që do kenë Shqipërinë përjetësisht.
Por ti kthehemi dhe një herë shqetësimit te madh te ligjdashesve te indinjuar nga shkatërrimi i Thethit. Ka një parim universal në shfrytëzimin e pasurive natyrore. Dhe ky është parim hyjnor.
Po të shohësh mënyrën se si Zoti apo natyra i ka ndertuar gjërat e kupton shumë mirë. Në Vlore ka çuar detin, ne Fier naftën, ne Bulqizëe kromin, ne Theth natyrën e bukur.
Pra gjithçka është e ndërtuar në mënyre të tillë që njerëzit të mund te jetojnë në vendet e tyre. Përballë këtij parimi është sigurisht dhe interesi publik për të mbrojtur natyrën. Si është zgjidhur ky dualitet. Shumë thjesht, me plane.
Një qeveri e përgjegjshme dhe që ka merak natyrën, do tëduhet të kishte bere plane zhvillimi për Thethin. Duhet te caktonte arkitekturën, vendet ku do ndërtohej, materialin si do të ndërtohej e kështu me radhë.
Madje madje, një qeveri e përgjegjshme do t’u jepte para atyre banoreve qe nuk kishin mundësi te ngrini bujtinat e tyre. Sepse kështu do behej ekonomi dhe do mbahej zona e pa braktisur neë një vend qe vuaj nga shpopullimi dhe shkretimi masiv.
Tani bëjni vetes pyetjen. Këto meraqe ka qeveria që ka cuar ruspat ne Theth? Apo atë merakun me sipër? Se përgjigja është shume e qarte.
