Massimiliano Allegri, Giorgio Furlani dhe Igli Tare kanë qenë të gjithë së bashku për një event të BMË-së, një event komercial për të festuar partneritetin tashmë historik midis kuqezinjve dhe prodhuesit të makinave.
Gjatë takimit, të tre patën mundësinë të flisnin, duke ndarë ndjenjat, qëllimet dhe ambiciet e tyre te Milan për këtë sezon të ri. Drejtori sportiv Igli tare zbuloi disa momente pikante nga javët e tij të para si kuqezi.
“Jam shumë i befasuar nga organizimi i klubit: që nga fillimi, ndjeva gatishmërinë e të gjithëve për të na vendosur mua dhe Allegri në pozicionin më të mirë të mundshëm për të siguruar që ky projekt të fillojë mirë”, tha Tare.
“Ende kemi një rrugë të gjatë për të bërë, jemi në fazat e hershme. Duhet të jemi të sigurt dhe të aftë të sjellim atë përvojë, atë mentalitet, atë diçka shtesë të nevojshme për të përfaqësuar një klub të lavdishëm si Milan”, shtoi Tare.
Ai dha një koment mbi zgjedhjen e Allegri në stolin kuqezi: “Ne vendosëm së bashku me klubin të bënim këtë ndryshim. Na duhej një përgjigje e fortë menjëherë, me një trajner me përvojë dhe me mentalitet fitues si Max”.
“Pas një telefonate midis tij dhe meje, unë dhe Furlani shkuam në Lugano për të takuar Allegri. Ishte një takim i këndshëm sepse në ato dy ose tre orë kuptuam sinergjinë dhe, mbi të gjitha, dëshirën për të vazhduar këtë udhëtim. Jemi të tre këtu dhe po përpiqemi të bëjmë më të mirën që mundemi“, tha Igli Tare.
