Gjermania planifikon të blejë 15 avionë luftarakë F 35 te gjeneratës së pestë, duke e çuar në 50 numrin total të mjeteve të prodhuara në SHBA, si pjesë e programit për modernizimin e flotës luftarake.
35 avionë prej tyre janë porositur nga Gjermania për të zëvendësuar 85 avionët e vjetër “Tornado”, ndërsa për 15 të tjerë do të duhet të miratohet buxheti nga Parlamenti gjerman.
Burime ushtarake thanë për mediet te huaja se gjithçka është edhe në zbatim të objektivave të NATO-s për rritjen e shpenzimeve në mbrojtje, kjo pas agresionit rus në Ukrainë, por dhe konflikteve të tjera.
Avionët F-35 janë avion të prodhuar nga kompania amerikane Lockheed Martin, që i përkasin gjeneratës së pestë dhe të vështirë për t’u zbuluar nga radarët.
Ata do të përdoren për misione te veçanta dhe për mbartjen e armëve bërthamore të NATO-s, në kuadër të rolit gjerman në sistemin e “Shared Deterrence”.
Ndërkohë, diskutime ka edhe për projektin evropian “Future Combat Air System”, që synon zhvillimin e avionëve të gjeneratës së gjashtë, ka ngecur për shkak të mosmarrëveshjeve midis Gjermanisë dhe Francës për ndarjen e punëve dhe të drejtave të pronësisë.
Kancelari Friedrich Merz konfirmoi të mërkurën se ende nuk është arritur dakordësi finale lidhur me të.
