Edi Rama po sillet sikur ka pak kohë që ka ardhur në pushtet, ndërkohë që e drejton Shqipërinë prej 12 vitesh dhe socialistët Bashkinë e Vlorës edhe më shumë.
Në një video-live në rrjetet sociale, Rama u shpreh se është e papranueshme që Vlora të vuajë nga furnizimi i rregullt me ujë, për shkak të paaftësisë dhe paturpësisë, ndërkohë që “paaftësia dhe paturpësia” e karakterizojnë të gjithë Qeverinë e tij.
“Të njëjtën gjë që po ndodh në Vlorë, do të vazhdojmë të bëjmë në Tiranë, Fier, Durrës, Shkodër, sepse këto qytete kanë marrë një hov të madh. Do të përballen me sfida të reja, e është e papranueshme që Vlora të vuajë për furnizim të rregullt me ujë, aty ku furnizimi me ujë nuk pengohet nga mungesa por pengohet nga paaftësia dhe paturpësia. Menjëherë problemi të zgjidhet sapo ndryshon koka e punës. Është koha për një riorganizim të komponenteve të punës”, tha Rama.
